Axuda da banca a distancia: BS Online

Para poder acceder aos servizos de Banca a distancia tan só necesita o Usuario (DNI, pasaporte, NIE, NIF ou documento estranxeiro) da persoa que desexa conectarse e a Clave de acceso de 4 díxitos entregado na oficina ao dar de alta o contrato de Banca a distancia. É importante destacar que se teñen accesos diferenciados e independentes para operar con contas de Particulares e Empresas.

Os clientes Banco Gallego e Lloyds Bank International poderán conectarse a BS Online co novo usuario e clave de acceso que lle fornecemos na súa antiga Banca Online.

Lembramos aos clientes de Lloyds Bank International do Servidor Financeiro que deben acceder a BS Online cos 4 primeiros díxitos da súa antiga clave de acceso á Banca Online.

Para os clientes que non chegaron activar a nova tarxeta de claves na web de Banco Gallego ou Lloyds Bank International, na primeira conexión e antes de acceder ás súas contas pregaráselles que activen a nova tarxeta.

De non dispor da nova tarxeta, deberá pasar pola súa oficina para obter unha nova ou solicitala telefonicamente a través do 902 323 000.

Premendo na ligazón de «outros accesos» que se atopa xunto ao botón «Entrar» en BS Online ou premendo sobre o separador BS Online da parte superior da pantalla, podemos atopar outras formas de acceso a BS Online.

O servizo de banca a distancia BS Online dispón de accesos diferenciados para operar coas súas contas de particulares e das súas contas de empresa, dividido en dous accesos independentes para clientes particulares e empresas.

No caso de ter contas de particulares e empresas, disporá de dúas tarxetas de claves e poderá operar a través de ambos os servizos coa súa tarxeta de claves correspondente. Para estes casos con contas nos dous segmentos, pode solicitar unha visualización agrupada das súas contas de «Particulares» e de «Empresas».  Para facelo, só debe conectarse a BS Online, acceder a «Todas as miñas contas» / «Posición global» e seleccionar a opción de «Acceso ás súas contas».

En caso de que se identificase no separado «Particulares» e desexe ver ou operar en «Empresas», debe premer o botón «Desconectar» e, a continuación, optar polo separador «Empresas» e volver identificarse.
 

Documentos de identidade: A forma máis habitual de acceder ao BS Online é mediante o documento de identidade. Así mesmo, é válido como número de usuario o DNI, pasaporte, NIE ou documento estranxeiro.

Certificados dixitais: Tamén pode acceder á banca a distancia mediante os diferentes certificados dixitais existentes que acrediten a súa identidade; BS Online acepta a conexión con estes tipos de certificados: DNI electrónico, FNMT, Generalitat Valenciana.
 

- Tarxeta secundaria: Permite consultar e operar a terceiros non autorizados nas contas. Un titular debe solicitar á súa oficina a tarxeta secundaria (tarxeta semellante á de coordenadas de que xa dispón). O titular desde BS Online activa esa tarxeta e configura os tipos de accesos e límites de operatividade que desexa que teña a persoa á que se le entregará. Esta configuración pódese realizar desde o menú de BS Online Administración de tarxetas secundarias.
-CAL (Clave de Acceso Limitado), só para empresas: é un acceso virtual que o titular configura para que unha terceira persoa consulte as súas contas ou que inicie operacións que sempre quedarán pendentes de que un titular do contrato as autorice asinando cunha coordenada da súa tarxeta de claves.

A partir da integración do día 15 de marzo, para a sinatura de operacións será indispensable o uso da nova tarxeta de claves de Banco Sabadell.

É a tarxeta persoal e intransferible que lle entregan xunto co seu contrato de banca a distancia e que, no reverso, contén os códigos de claves para a sinatura de operacións.

Para os clientes que non chegaron activar a nova tarxeta de claves na web de Banco Gallego ou Lloyds Bank International, na primeira conexión e antes de acceder ás súas contas pregaráselles que activen a nova tarxeta.
De non dispor da nova tarxeta, deberá pasar pola súa oficina para obter unha nova ou solicitala telefonicamente a través do 902 323 000.

Aqueles usuarios que son clientes de ambas as entidades e dispoñen do servizo de banca a distancia BS Online, chegado o día da migración, poderán acceder ao BS Online e ver tanto os produtos que xa vían en Sabadell como os produtos que mantiña con Banco Gallego ou Lloyds Bank International e que ata ese día non o podían visualizar pola Banca a Distancia de Banco Sabadell.

O novo servizo de banca a distancia ofrece un deseño renovado e unha navegación na web máis dinámico e mellorado para que as súas xestións bancarias resulten máis cómodas e eficientes.
As operativas máis habituais, por pór un exemplo, pódense visualizar nada máis acceder ao BS Online na parte superior esquerda do menú. Se queremos visualizar todas as operativas posibles, debaixo das operacións claves con acceso directo podemos encontrar a ligazón «Ver todas as opcións».

Se esqueceu a súa clave de acceso e non pode acceder a BS Online, cómpre que vaia á súa oficina para que lle fornezan outro código PIN (clave de acceso) ou que contacte co noso servizo de atención telefónica chamando ao 902 204 070 (dispoñible as 24 horas do día), onde lle darán a solución adecuada.

Se ten calquera dúbida, estamos á súa disposición a través dos canais habituais:
- 902 323 000
- Twitter: @BancoSabadell